Türkcə və Farsca Kültürəl - Toplumsal Weblog

Turkic & Persian

Social - Cultural Blog

وبلاگ فرهنگي - اجتماعي

به زبانهاي ترکي و فارسي

 RSS / XML feed

About Me

Özumə görə

Arşiv:

آرشيو

Link Yurdu:

لینکستان

توجه:

تبادل لينک به معني تاييد مطالب ديگران،

همفکري و يـا وابستــگي نمي باشد.

"AnaYurdum"un AnaYarpağı bura daşındı:

صفحه اصلي اين وبلاگ به آدرس زير منتقل شد:

The main page of "AnaYurdum" was transferred to:

http://anayurdumla.blogspot.com/

جوجه لريم

þ اوچ - دؤرد یاشیم اولاندا، اردبیل و خالخالدان باشقا، بوتون یئرلر ده یاشایان آداملاری فارس بیلردیم و بونون عیللتی بونلار ایدیلر :

- تیلویزیون و رادیو دان گلن سسلر، بوتون فارسجا ایدیلر؛ تکجه اردبیل رادیوسوندان سونرا کی گونده بو سسی ائشیدریم: "گون اورتا آذانی، اردبیل اوفوقوندا"

- اؤزومدن بؤیوک قارداش، باجیلار و قوهوم قونشولار، فارس دیلینده درس اوخویاردیلار.

- آتام دا فارس ادبیاتینین اؤیرتمنی ایدی.

- سوادآموزی نهضته گئدن یاشلی و قوجالارین درسلری فارسجا ایدی! ائله بیل کی تکاموللاری فارس دیلینین اؤیرنمکینده ایدی.

- و ...

تیلویزیون دا، ایران - عیراق ساواشینا گؤره، "خلبانلار" موسیقی سینی قویاردیلار و تکجه بو منیم یادیمدا. اولابیلردی خلبانلار خالخاللی دیرلار کی بو قدر برنامه و وئرلیشین ایچینده، تکجه بونو تورکجه یایاردیلار!

þ اوخولون(مدرسه نین) ایلک ایللرینده ایدیم کی تبریزین اوستانی کانالی، کیوی ده یایینا باشلادی. اوشاقلارا اؤزل اولان تورکجه دیلینده کارتونلار و تئاترلار گؤروردوک. چوخ سئویندیریجی ایدی. ایندی ده اونوتمامیشام. ایندی بیلیرم کی او کارتونلار، باکی تیلویزیونوندا تورکجه یه چئویریلمیش ساوئت(شوروی) چیزگی فیلیملری(انیمیشین) ایمیش. ائله کی یادیمدا اوشاقلار ایچین تورکجه فیلملری بیر - ایکی ایل دن چوخ گؤسترمه دیلر.

و بو تورکجه کارتونلار دان اؤنملی سی، بو ایدی کی بیلدیم، تبریز و حتی  اورمو(اورمیه)لولار دا تورک دیلینده قونوشورلار. البته 8 یاشیم اولاندا، ایلک کز تبریزه گئتدیم. آتا - آنالار هامی سی تورک ایدیلر، آنجاق اوشاقلارلا فارسجا دانیشیردیلار! بتر گیجه لمیشدیم!! آخی نه جور اولموشدو! تبریز تیلویزیونو بیزه تورکجه کارتونلار گؤستریر، آما تبریز ده یاشایان اوشاقلار فارس دیرلار!

þ قاییداق تورکجه کارتونلار قونوسونا. او تورکجه چیزگی فیلملرین بیری سینده، "جوجه لریم" ماهنی سی نی ائشیتدیم و چوخ خوشوما گلدی و او گونون یارینی(صاباحی)، اوخول دا اوشاقلارین چوخو "جوجه لر" ماهنی سی نی منیم کیمی ائشیتمیشدیلر و اوخویوردولار.

ایندی ایسه خبر یئتیشدی کی "اوشاقلار لا دلی قانلیلاری فیکری بئجرتمک اوجاغی (کانون پرورش فکری کودکان و نوجوانان)"، "جوجه لریم" آدیندا، بیر CD یایمیشدیر. چوخ دیه رلی ایش گؤرونموشدور کی البته یوخاری دا آد آپاردیغیم کانون دان بعید ایدی! ائله کی من بیلیردیم بو کانون، تورک اوشاقلارین فیکریندن چوخ، دارا-سارا اویونجاقلارینین فیکرینده ایدی! CD ده 1384 ایلایی وورولوب، آنجاق ایندی یاییلمیش. هر حالدا بو ایشه گؤره اللری آغریماسین.

بو آلبومون بیر یاخشی اؤزللیگی وار و او دا موسیقی لردن قاباق، ماهنی لارین متنی نی و اوندان اؤنجه آذربایجانین اوشاقلار ایچین، فولکولور ماهنیلارینین تاریخینی دئمک دیر.

اونا قولاق آساندا، اوشاقلیق چاغی بیر ده یادیما دوشور. بوتون یولداشلاردان ایسته ییرم بو CD دن آلیب و تانیش اوشاقلارا هدیه وئرسینلر. بو گونلر ده کی دولو دور بایراما، یاخشی واخت دیر، تله سین.

"جوجه لریم" آلبومو

آلبوم دا کی ماهنی لار:

جوجه لریم، اوشودوم ها اوشودوم، سارا، کیچیک نقاش، چؤرکچی، خوروزلار، آغاج، آنا لای لای و بو ماهنی لارین سؤزسوز (کلامسیز) موسیقیلری

موسیقی دوزلدیب، تنظیم ائدن و اونون یاردیمجی سی: علی برلیانی و نیما جداری*

باشلانقیجلاری(مقدمه) دئیه ن: صنم عبدالعظیم زاده

باشلانقیجی یازان: اصغر فردی*

تک باشینا اوخویانلار: صنم و دنیز عبدالعظیم زاده، اسماعیل خان زاده

کور اوخویانلار: ثمین و سحر قوچی، صنم و دنیز عبدالعظیم زاده، سئویل خرسندی

کور قروپون باخانی(ناظر): اسفندیار قره باغی

چالقیچیلار: یاشار شادپور(کمانچا)، رضا حسینی(تار و قوپوز)، هومن ناظمی(گارمون)، سعید گوگردچی(ویولون سئل)، حسن دانشور(سس گؤتومک و باشقا سازلار)

مستئرینق: رئیموند موسسیان

آيدين ك

1385 / قیش ایلکی(دی) / 12

Jan.02 .2007

* )  جوجه لریم ماهنی سی نین شئعرینی دئیه ن "توفیق موطلیبوو" و موسیقی ده، "قنبر حوسئینلی"دن دیر.

Sözləri: Tofiq Mütəlibov. Musiqisi: Qəmbər Hüseynli

http://childbook.aznet.org/childbook/mahni94.htm

تو کز محنت ديگران بی غمی...

þ گویند سکوت علامت رضاست و من اضافه کنم به خصوص اگر از سر اطلاع و یا آگاهی و همچنین، عدم مشغله باشد. منت خدای را عزوجل که فرصتی برایم فراهم ساخت تا من هم از آنچه شنیده ام اظهار نارضایتی کنم.

می گویند در سالگرد ایام مربوط به جنایت جبران ناپذیر سوزاندن هزاران جلد کتاب ترکی در تبریز و آذربایجان، که نشان اوج توحش و بی تمدنی و قانون جنگل مآبی مزدوران شاهنشاهی در آذر 1325 هجری شمسی است، مقابله به مثل شده و انتقامی فرهنگی گرفته شده!

همانهایی که اخبار فرهنگی مربوط به فعالان ترک را همواره وارونه جلوه داده و تبحری خاص در گرفتن ماهی از آب گل آلود دارند و هرگونه شرافت انسانی خود را در جهت نیل به اهداف فاشیستی و نژادپرستانه زیر پای می گذارند و همانهایی که خونخواران ضد اسلام و ویرانگر مساجد را بر برادران مسلمان همزبان، هم وطن و هم مسلک ترجیح می دهند در بوق و کرنا کرده اند که:

در مکانی مجهول و توسط اشخاصی نامعلوم کتابهای مشهور پارسی همچون بوستان سعدی، شاهنامه فردوسی و ... به داخل آتش افکنده شده اند!! تا قتل عام فرهنگی شست سال قبل تلافی شود.

اولا این اخبار جعلی و غیر قابل باورند؛ فعالان هویت طلب و مظلوم آذربایجان همیشه در موضع دفاع از فرهنگ و زبان بوده اند و جفایی همچون کتابسوزی را محکوم می کنند.

ثانیا حتی اگر چنین عملی انجام شده باشد، محکوم است! آیا واقعا حیف نیست کتابی همچون گلستان سعدی سوزانده شود؟ مطالب حکیمانه و بشر دوستانه این کتاب، بیشتر به درد درمان امثال آنهایی می خورد که فجیع ترین جنایت فرهنگی قرن را مرتکب شده اند! کسانی که کتب درسی ترکی بچه های ترک زبان آذربایجان را سوزاندند و هم چنین اخلاف آنها که دهها سال است در راه اسلاف خود طی طریق می کنند. به آنها باید گفت:

ابیاتی که در شعله های توطئه و شقاوت شما سوخته، اینها بوده اند:

بنی آدم اعضای یکدیگرند

که در آفرینش زیک گوهرند

چو عضوی بدرد آورد روزگار

دگر عضوها را نماند قرار

چگونه می شود شما این عبارات انساندوستانه را با بلندگوهای خود داد نمی زنید؟ آیا ترکهای آذربایجان جزو بنی آدم نبودند، نیستند و نخواهند شد، بجز آنچه و آنکه باشند که شما خواهید؟

آیا میلیونها ترک آذربایجانی که در این مملکت ساکنند از گوهر آفرینش الهی نیستند؟ چه ایرادی دارند؟ آیا در نظر مخلوقانی چون شما، دیگر مخلوقات خدا، نعوذبالله نقایصی دارند؟ آیا زبان ترکی آنها را عیب و نقصانی برای بشر ساکن ایران می دانید؟

کی می خواهید اعتراف کنید که عضوهای دیگر درد دارند؟ و خدا می داند که آیا جرأت پذیرش این را هم خواهید داشت که شما مسبب و موجب دردهای اعضای دیگرید؟ همانگونه که کتب درسی زبان مادری کودکان آذربایجانی را به شعله های آتش سپردید و چه خیال خامی داشتید موقعیکه فکر کردید این عضو منفعل و منتظر قرار و یا عدم قرار دیگر اعضا خواهدبود؛ بلکه خود همواره اعضایی دارد بسیار بی قرار.

و البته، چنین وصفتان نمود شیخ اجلی  که حالا برایش اشک تمساح می ریزید و گلستانش را پیراهن عثمان کرده اید:

تو کز محنت دیگران بی غمی

نشاید که نامت نهند آدمی

آيدين ك

1385 / قیش ایلکی(دی) / 10

Dec.31 .2006

در مورد اعدام صدام

þ آخرین روزهای سال 2006 میلادی، که همزمان با روزهای عرفه و عید مبارک قربان و "دونیا آذربایجانلیلارینین همرای لیک گونو" بود، با یک اتفاق مهم دیگر همراه شد: "اعدام جنایتکار و دیکتاتوری نژادپرست همچون صدام".

در دوران کودکی، هر روز دهها بار کلمه صدام را می شنیدم. کلمه ای که اهریمنی بود. صدام شیطانی بود که زندگی صلح آمیز را برای میلیونها ایرانی و عراقی تباه کرده بود! و هنوز هم که هنوز است تبعات آن دوره را احساس می کنیم.

من اهل و ساکن یکی از مناطق امن کشور از نطر جنگی، بودم؛ ولی صدای آژیر و التهاب آن دوران هنوز هم در خاطرم هست. به طور مستقیم و یا غیر مستقیم همه ما مشغول جنگ بودیم.

به خاطرم هست همان روزی که یکی از دبیرستانهای دخترانه "میانه" بمباران و دهها دختر به طور هولناکی کشته شدند و صدای انفجارهای آن حتی از فاصله صد کیلومتری در خلخال موجب وحشت مردم شد. صدام فقط به خاطر این جنایت باید اعدام می شد.

اعدام صدام را به خانواده های هزاران شهید و جانباز ایرانی و آذربایجانی، تبریک می گویم.

قوربان بایرامی  و "دونیا آذربایجانلیلارینین همرای لیک گونو" ده قوتلو اولسون.

آيدين ك

1385 / قیش ایلکی(دی) / 10

Dec.31 .2006

ايران چالير

هن، دوغرودور! سیزلر چالیب سینیز و بیز ده سیزین چالدیغینیز هاوا دا اوینامیشیق و بئله اویون لار، البته کی تکجه موسیقی ده اولمامیشدیر.

من بیلمیرم بو سؤزلری ، کیم بونلارین آغزینا سالیب:"موسیقی ایرانی" و "موسیقی نواحی ایران".

گؤره سن "ایران موسیقی" سی و "ناحیه لر موسیقی" سی نین فرقلری نه دیر؟! موسیقی نواحی ایران دان منظورلاری ، آذربایجانلیلار، قاشقایلار، تورکمنلر، بلوچلار، کوردلر، لورلار، عربلر و باشقا ائتنیک قوروپلارین موسیقی سی اولابیلر. نه قدر منطیق اوزو ایله فیکر ائدنده، "موسیقی ایرانی" دا یانی بوتون بونلارین توپلوسو؛ یا گرک تکجه "ایران بؤلوملرینین موسیقی سی(موسیقی نواحی ایران)" کلمه لرینی و یا دا "ایران دا کی موسیقی لر(موسیقی های ایرانی)"ـی ایشه آپارسینلار. ایرانلی موسیقی نی، تکجه بیر دیله عایید اولان موسیقی دئمک، یانلیش و باشقالاری ایکینجی درجه لی سانماق دیر. منجه، ایران دا بیر دیلین رسمی و یا اورتاق اولونماسی بونو گؤسترمز کی او دیله مربوط اولان موسیقی ده اورتاق اولسون.

آنجاق یولداشلار! هامی میز بیلیریک، بونلارین "موسیقی ایرانی" دان منظورلاری، فارسلارین موسیقی سی دیر؛ "موسیقی سنتی، کلاسیک، پاپ و ... فارسی"

بونلارین بوتون ایشلری بئله دیر. آنا یاسا دا فارس دیلینین رسمی اولماغی، بیر بهانه اولوب کی هر نه ده، تورکلرین بوتون ایشلرینه بیر "محلی"، "بومی"، "نواحی"،"قومی"، "روستایی" مضاف الیه یا دا نیسبی صیفتی قوشسونلار! تورکلر اولوبلار "نواحی و بوجاق" دا کیلار و هر هونرلری ده اولورسا، بو عونوانلار لا اؤلکه ایچینده آدلاری ایتمیشدیر.

عجیب دیر؛ فارسلارین ده هر نه لری اولسا، تئز بیر دنه میللی صیفتی آرتیریلیر و باشقا اولوسلار و ائتنیک قوروپلارین گؤزل صنعتلرینی، اولوسلار آراسی سرگیلرده پرشین آدی ایله صاحیب چیخیلیر! اؤرنک ایچین بیری سی خالچا دیر؛ هیریس ده، مرند ده، خیاو دا تورک هونرچیلرین توخودوغو خالچالاری دیشاری(خارجی) اؤلکه لرده، فارس خالچاسی آدلا ساتیلیر. تاریخ، ائدمان(ورزش) و باشقا ساحه لردن واز گئچیرم.

بو سؤزلر اورادان چیخدی کی "بوگونکو تهران(تهران امروز)" گوندلیکی، 34نجو سایی سیندا، بؤیوک تیتر ایله "ایران می نوازد(ایران چالاجاق)" خبرینی ووروب کی فجر موسیقی فئستوالینا گؤره دیر. خبرین آچیقلاماسیندا بئله یازیلمیشدیر:

"کولتور و هونر قوروپونون وئردیگی خبره گؤره، 22نجی فجر موسیقی اولوسلار آراسی فئستیوالی، بیر آز دگیشیکلر ایله قورولاجاقدیر. دگیشیکلر بؤلوملر، ایفا یئرلری، ایرانلی و یابانجی قوروپلار دا اولاجاقدیر. بو ایل کی بؤلوملر بونلاردان ساییلیر: "ایران موسیقی سی"، "تک باشینا چالماق(تکنوازی)"، "گنج موسیقی سی"، و بو ایل آرتیریلمیش "اوشاقلار موسیقی سی" بؤلومو. "

ایندی اولابیلر دئییلسین نئیه اؤنجه دن قضاوت ائدیب دئییرسن کی بونلارین "موسیقی ایرانی" دن اولان منظورلاری یالنیز فارسلارین موسیقی سی دیر؟ آنجاق بو خبری اوخودوقجا بو آچیقلامالارلا قارشیلاشیریق:

" بو ایل، ایران موسیقی سی بؤلومونده، رودکی، ذوالفنون، غوغا و کیوان ساکت قوروپلاریندان سونرا، خورشید، مولانا، بیدل و ایرانی کیمی اعتبارلی و چالیشقان باشقا قوروپلاردا قاتیلاجاقلار؛ بو آرادا "ایرانی" موسیقی قوروپو علیرضا قربانی اوخوجولوغویلا و پژمان طاهری اؤندرلیک ایله، ایلک کز دیر کی بو فئستیوالا گلجکلر."

"تهران امروز"ون ایران دا اولان ان اؤنملی موسیقی اولایینا باغلی اولان اؤزل خبر ده، آرتیریلمیش کی:

"ایران موسیقی بؤلومونده اولان اؤنملی نؤکته بو دور کی ایکی یابانجی اورکئستر ایرانلی قوروپلارلا امکداشلیق(همکاری) ائدجکلر: بیرینجی امکداشلیق کی احتمالا بو دؤنه نین ان دیه رلی وئرلیشلریندن اولاجاق، شمس موسیقی قوروپو ایله اوکراینانین فیلارمونیک اورکئستری، بیربیرلری ایله برابر چیخیش وئرجکلر. باشقا طرفدن دلنوازی قوروپو، آذربایجان اورکئستر سمفونیک ایله(منظور آذربایجان رئسپوبلیکاسی دیر؛ بیزیم کی بئله بیر شئی یوخوموزدور!)، دلنوازی نین یاراتدیقی اثرلری ایفا ائدجکلر."

ائله کی گؤرونور، اوکراینا و آذربایجان(رئسپوبلیکاسی)، هر ایکی سی ده، ایرانلی قارداشلاریمیز ایچین، بیر جوره یابانجی اؤلکه کیمی دیرلر! و البته کی ایران ایچینده اولان آذربایجان، "ایرانلی" موسیقی آدی ایله یوخ، "نواحی" بؤلومونده چیخیش ائتمه لی دیر.

من بورادا یوخاری دا آد آپاردیغیم گوندلیکی و یا دا فارسلاری محکوم ائتمک ایسته میرم. ایسته ییرم دئیه م، شوونیستلر الی ایله، بئیین لره گئچمیش یانلیش دوشونجه، آرادان گئتمه لی دیر. ائله کی دئییلدی، بو اؤلکه نین ایچینده، فارس دیللی و کولتورلو هر شئیی، میللی و دئمه لی عمومیتله "ایرانلی" آدیندا، و باشقا میللتلر و ائتنیک قوروپلارین ایشلری، "نواحی" و اویان-بویانلی تانینماقدادیر و البته ایرانین ائشیگینده، بونلارین هامیسی "ایرانلی" یوخ بلکه فارس(پرشین) اولورلار!

آيدين ك

1385 / قیش ایلکی / 8

Dec.29 .2006

سئچگي دن سونرا

þ قاباق كي يازي دا، بو ايلين شورالار سئچگي سي ني، اوچ كسيمه(قيسمته) بؤلوب دئديم كي توپلومسال و ائتنيك پرابلملره گؤره، آذربايجانين بو سئچيم ده كي ان اؤنملي يئرلري، باتي آذربايجان و اؤزلليكده اورمو(اروميه) شهري دير. اورا دا هامي سس وئرمه لي دير و او آدايلار كي بيليرلر يئترلي سس سايي سي گتيرمه يه جكلر، دالا چكيلمه لي ديرلر. 

ايندي ده سئچگي نين سونوجلاري بللي اولوب و دئمك اولار، تكجه اورمو دا، آذربايجانين ضررينه اولان بير اولاي اوز وئريب: « 9 نفر سئچيلميشدن 3 نفري كوردلردن ديرلر». البته بونو دانماق ايسته ميرم كي اورمو دا، كورد يوخدور و اونلارين سئچيلمه سي ياساق اولمالي دير! بلكه دقيق دقت ائتسك بير، اوچ و دؤردونجو يئرلري كوردلر آليبلار. ياني بو ايل ده، توركلرين وئرديگي سسلرين سايي سي سينيب و دؤرديوزمين نفرليك اورمودا، كورد لر اوتوزمين سس ايله شهر شورا سينا يول تاپيبلار!

و البته بو سونوجلار اورمو خالقينين بو ايل كي كولتورل قالخيشلارينين قارشي سيندا ايدي. اولا بيلر كي آذربايجان آيدينلارينين سئچگي دن اؤنجه كي يوخوسونا گؤره، اورمولولاردا ياتيبلار! ايندي ده اينترنت صفحه لرينده چيغير - باغيرين دا فايداسي يوخدور! بيزلر هئچ اولماسا يايدان بو فيكير ده گرك اولايديق و سئچگي اولان گئجه، خالقا فيكير و دوشونجه يئتيرمك ايمكامسيز دير كي هئچ، تورك چاليشقانلارين پيلانسيز ايش گؤرمكلريني آيدينجا گؤسترير.

بيزيم هامي ميزين بير اورتاق دوشمانيميز واردير و او دا، بير دوشونجه دير كي حتي ميليونلار توركون بئينينه گيرميشدير و اونو اؤز ايتي و راديكال گئتمكلريميز ايله آرادان آپارابيلميريك. هامي ائله بيلير نئچه فيكير ايله ايشلمك بيرليكين قارشي سيندا دير؛ آنجاق بعضي زامانلار دا سياست و يا دا مصلحت ايله ايش گؤرمك، چوخ لازيم دير.

منفي موباريزه، و هر نه يي تحريم و ياساق ائتمك باعيث اولور چوخلو امتيازلاري الدن وئرك.

بير اؤرنك وورورام:

ائله بيلين فوتبول ياريشيندا، خطاكار بير تيمين قارشيسينداييق؛ مربي و كاپيتان دا يوخوموزدور! آراجي(داور)، قارشي دا كي تيمين طرفيني ساخلايير و اونلار دا هر جوره خطا ائديب، دال با دال، آفسايد قول دور كي وورورلار؛ بو آرادا فيفا و بوتون دونيادا خطا ائدن تيمين طرفين ساخلايير كي هئچ اؤز تاماشاچيلاريميزين بير سايي سي دا بيزي هويلاييرلار. بئله سيخينتي لارا گؤره بيزيم تيمين اويونچولاري عصبي اولاجاقلار.

بيريسي دئيير گلين بو اويونو ترك ائدك، باشقاسي دئيير گلين داوري ووراق، بيري دئيير دئيير گلين تكجه دفاع ائدك و بيري ده دئيير هامي منه پاس وئرسين، قول ووروم! من گرك بو ياريش دا man of the mach اولام! گوندن آيدين دير بير فورصت ده اله گلسه، مثلا  توپ اونلارين قولئرينين اليندن چيخسا، بوش قولا دا وورابيلمه يه جه ييك! چونكو نئچه سي دالدان باغيريرلار، بو اويونو تحريم ائتميشيك، قول وورمايين.

بيلميرم ياخشي ميثال دئديم يا يوخ آنجاق اورمو بير فوتبول تيمينه بنزه يير كي ليگين سون يئرلرينده دير و آز قالير سقوط ائتسين!

þ چوخلو فورصتلر الدن آلينير؛ و ساده جه چوخلو فورصتلري ده، اؤزوموز الدن وئريريك! چونكو هر نه يي آق يا قارا گؤرمك ايسته ييريك. البته من بورادا بونو يازماق ايسته ميرم كي هئچ آدديم آتيلماميشدير؛ چونكو اولابيلردي دوققوز سئچيلميشين ايكي سي و يا اوچو تورك اولسون و بونون شوكرو واردير.

دئييرلر بير چاق موللا، منبره چيخميش و چوخ يئمكين ضررلر و پيسليكلريندن دانيشيب، خالقا دئييرميش آز يئيين كي كؤكه لمه يه سينيز! آريخليق چاقليق دان ياخشي دير و ياشليلار ايچين، چاقليغين چوخلو تهليكه و خطري واردير. بو آرادا بير كيشي دوروب دئيير: «حاج آغا! ايكي ساعاتدير، دئييرسن آز يئيين آز يئيين! اؤزون دوز آدامسان، سن نئيه بو قدر كؤك و چاقسان؟!»

موللا دا دئيير: «اگر اؤز سؤزلريمه اؤزوم عمل ائتمه سه ايديم، بو منبره چيخابيلمزديم هئچ، حتي آياق اوستونده دورابيلمزايديم!»

ايندي ده، سئچيم قورتاريب و نئچه ميليون تورك ديللي اولان يئر، ياني تهران شهرينده هئچ قازانج اله گلمه ييب دير! هادي ساعي كيمي آداملار دان دا گؤزوم چوخ سو ايچمه يير؛ يا «جامعه ورزشي شهر ري» و يا دا «اصلاح طلبي»(!) جاميعه سينين فيكرينده اولاجاقلار. فارسلار دئميشكن غم ديزي قوجاقلاييب، افسوس يئمه يين دا فايداسي يوخدور. او قدر بيرليك و يالنيز بيرليكدن دانيشيب و عمل ده، ائتمه ميشيك، كي ائله بيلينير، بير ايكي يول و سياستدن سونرا، باشقا ايش باشارميريق!

گلن ايلين سكگيزينجي مجليسين سئچيمينه، فيكر ائتمه لي ييك. آذربايجان آيدينلاري و بيلي يوردلولاري، ايندي دن گرك بير رسمي حيزب آچيليشينين داليسيجا اولوب و ايندي دن، آذربايجانين بوتون بؤلگه لر ايچين، آذربايجان دردلريني دوشونموش آدايلارينين ليستينين فيكرينده اولسونلار. بو دوشونجه لر، تهران دا كي مجليسينين ايچينه داشينمالي دير. صلاحيت و جواز وئريلمه سه ده، اوپتيموم آداملارين گئتمه سينه يارديم ائتمك اولار. آذربايجانين ضررينه اولان آداملارين يول تاپماسي باغلانمالي دير.

واللاه، يارين(صاباح) گئج دير.

¯ ¯ ¯

مين اوچ يوز يئتميش يئدي نين چيلله گئجه سينه گؤره، من بو گئجه لردن خوشوم گلمز؛ چونكو بو گونلر، آذربايجانين بؤيوك عاليمي، پروفسور محمدتقي زهتابي(كــيريشچي)، آللاهين رحمتينه گئتدي. بو گئجه اونوچون بير فاتيحه اوخوياق؛ روحو شاد اولسون.

آنجاق، چيلله(يلدا) گئجه سينه گؤره، بير sms اليمه يئتيشدي، اونو سيز ايچين بورادا يازيرام:

اورگينيز قيش كيمي قارلي، قيشلارينيز سويوق اولسادا

گونشسيز اولماسين

شن گونلرينيز، چيلله گئجه لرينيزجه اوزون

چيلله گئجه نيز ، گؤزل گونلرجه قوتلو اولسون

آيدين ك

1385نجي ايلين ان اوزون گئجه سي

Dec.21 .2006

شورالار سئچگي سي نين اوچ فورماسي

þ گؤردويونوز عكس، كيوي نين شهر شوراسي اويه لرينين سئچيمينه  مربوط دور، كي منه گؤندريبلر. تبلغاتي شوعارلاري اوخويابيلرسينيز؛ يوز رحمت اؤنجه كي سئچگي يه! گئنه نئچه نفر، توركجه سؤزلر و شئعرلر يازميشديرلار! بو سفر توركو-موركو دن اصلا خبر يوخدور:

ما زنده ايم(بيز ديري ييك!)، اينجا زندگي مي كنيم (بورادا ياشاييريق)

و شايسته آنيم تا شهري آباد داشته باشيم(آباد شهره يئيه اولماق، حاققيميز دير)

كهن شهر من شهره آفاق آباد(بو سؤزدن او قدر زهلم گئتدي كي اونو چئويرمه ديم! بيليرم سيز ده ده، حتما بو دويغو واردير كي بو شوعاري يازان، تاريخ، كيمليك، وارليق و ... دان هئچ زاد قانمير!)

تخصيص بودجه مابين دو منطقه به طور عادلانه( ايكي كسيم آراسيندا، بودجه نين عدالت ايله بؤلونمه سي. آشاغي كيوي و يوخاري كيوي نين آراسيندا قديم دن بو داعوا وار! اورادا يئتيشديلر بورا يوخ! اورا دا فيلان اداره ني دوزه تديلر بوردا يوخ! آذربايجانين هر يئرينده بئله ايشلر دوغال دير، ياني طبيعي دير!) 

انتخاب شهردار خوب و دلخواه مردم(ائله بيل خالقا بير جوت باشماق آلاجاقلار)

تلاش در آباداني و ساخت و ساز مابين دو منطقه (بو بير دنه ني دوغرودان دا به يه نديم! بولوجولوك ياپماق دان ياخشي دير. البته گرك دئييردي كي بودجه ني اوچ يئره بؤله جه ييك و بير بؤلومو، تكجه آراليق كيوي يه خرج اولاجاقدير ايكي كيوي بيربيرينه ياپيشسين)

آدايلارينين بيريسينين دانيشماغيني دا ائشيتديم، فارسجا بير مقاله يازميشدير و اونو ميللت ايچين اوخويوردو؛ ائله بيل اصلاحاتچيلار طرفينده ايدي! دقيقه باشي دا «بومي» كلمه سيني دئييردي و دئييردي منطقه نين مودرولري گرك بومي اولسونلار و بونا گؤره شهردار دا گرك بورالي اولسون. من ده اونا ساو يئتيرديم، قديم كي همكيلاس! سنين سؤزلرين دوز، آنجاق سن كي بومي-بومي دئييرسن، اقلا سؤزلريني توركجه قونوش دا! او دا ائله بيل دئميش كي توركجه دانيشماق ساوادي يوخوم، مجبور اولدوم فارسجا يازام و اونو اوخويام.

من ده دئييرم يازيغين حاقي وار دا.

þ خالخال دان چيخاق ائشيگه! سئچگي نين تبليغات فورصتي سونا چاتميشدير. گئچن ايلين تحريم ائدنلري ده ائله بيل توبه ائله ميشلر. خبرلره گؤره، رفورميستلر بيرليك قرارينا يئتيشيب، گوجلو تبليغات ائديرديلر. من جه، بو ايل كي سئچگي ده، اصلاحاتچيلارين باشاري احتمالي چوخدور.

گئچن ايل، آذربايجانين ميللي چاليشقانلار و آيدينلاري، اؤز ايستكلريني، سئچيلجك جومهور باشقانيندان دئديلر. آنجاق بو ايلين سئچگي سينده،  بير خبر يوخدور. آزبيلتوپ كيمي قوروپلار، هاميسي سوسوبلار. گئچن هفته لرده، ائشيتديك كي حكيمي پورون آدي تهرانين اصلاحاتچي ليستينده گلجك؛ آما بير خبر يوخدور. نئچه ميليون، تورك ديللي اولان تهران شهرينده، قومي و ميللي دستكلر اولونماميشدير و البته بونون بير ياخشي ليق و بير پيسليگي واردير:

ياخشي ليق: تورك آدلي قوندارما دستكلري گؤرمه يه جه ييك. بئله جعلي قوروپلار سونرا ميللي حركتين قارشي سيندا يارديمچيليق يئرينه انگل و مانيع اولورلار.

آما بؤيوك پيس ليك ده بو دور كي تهرانين نئچه ميليون توركو، گرك اؤز كولتورل و توپلومسال ايستكلريني شهر شورالاري كيمي يئرلردن ده مطرح ائتسين و البته تهران دا كي ايرانين باشكندي دير و بو چوخ اؤنملي يئردير. بير داها يازيقلار اولسون! اونوتماميشيق او گونلري كي حكيمي پور جنابلاري، تهرانين شهر شوراسينين اويه سي اولاراق، تورك اؤيرنجيلرين توپلانتي لاريني دستكله ييردي.

þ اينديسه تهران دان چيخاق ائشيگه! كند و شهر شورالارين سئچگي سي، باتي(غربي) آذربايجان دا چوخ-چوخ اؤنملي دير؛ اؤزلليكله اورمو، سولدوز، سالماس بؤلگه لرينده.

تورك آدايلارينين چوخلوغو، باعيث اولاجاق تورك آدايلارين اؤي(راي) سايي سي سينسين و بو كورد آزليقلارينين قازانماغينا سبب اولوب و سونوجو دا تورك شهرلريميزين توپلومسال تركيبينه خطري واردير. اومود كي بئله يئرلرينين تورك آدايلاري  آخير لحظه لره قدر، بير بيرلرينين نفعينه قيراغا گئديب و اوندان اؤنملي ده بو دور كي توركلر بو سئچگي ني تحريم ائتمه سينلر. 

آيدين ك

آذر آيي نين 23 نجي گونو - 1385

Dec.14 .2006

هم ميللتچي لر و همده ساتقينلار گونو

61 ايل بوندان اؤنجه:

گوز سونونون سؤيوخ گونلري دير. چيلله نين سويوغو اؤزوندن قاباق گلميشدير. شاختايا گؤره، ائشيگه چيخماق اولمور. دئييلير تندير واختي دير. هامي ائو ايچين ده كورسولره گيريبلر. اوشاقلار، بؤيوك آتالار و آنالارين دئديگي ناغيللارييلا، گئجه لري دانا(صاباحا) چاتديريب، آذربايجانين اوزون قيشي نين سونا چاتماغيني گؤزله ييرلر.

آردي >>>

هم ميللتچي لر و همده ساتقينلار گونو :  ( html page "> ) و ( pdf file )

آيدين ك

آذر آيي نين 21 نجي گونو - 1385

Dec.12 .2006

مني آتدين آتشه

دونيانين گؤزلليكلري نه قدر چوخ اولسادا دئمك اولار پيسليكلري ده چوخدور؛ مثلا پيسليكلرين بيريسي بودور:

سئوديگميز آدليم آداملارينين دونيايا گلمك خبرلري بيلينمه يير.

اونلار اؤز ياشاديق زاماني، خالقلارينا چوخلو خيدمتلر ائديرلر و نتيجه ده، گئت به گئت مقاملاري ميللت آراسيندا يوكسلير و البته بو يولدا چوخلو چتينليكلر و محبتسيزليكلرده گؤرورلر.

آنجاق دونيادان گئتمكلرينين آجي خبري تئزليكله دئييلير و اوركلري كدرلنديرير. و بيز لر ده اؤلوم خبريني يازيب اوزگونلوكله افسوس يئمكدن سونرا، باشقا بير ايش باشارميريق.

هر حالدا، آذربايجانين ان بؤيوك اينجه صنعت خاديملرينين بيري سي، بابا ميرزايئو، گوز سونونون 14نده(دسامبر آيينين 6سي)، باكي دا، آللاهين رحمتينه گئتدي.

اينترنت ده، بابا ميرزايئوين ياشاييشينا گؤره،  چوخ يازي تاپابيلمه ديم.

بوتون يولداشلاريم كيمي، من ده « مني آتدين آي قيز آي قيز آتشه »، ماهني سيني چوخ سئورديم و اونون متني ني(لايريك) يازديم؛ لوطفا يانليشي اولورسا دئيين دوزلديم.

بويورون دينله يين اونودولماز بابا ميرزايئوين اثريني...

مني ده، بئله قيزلار آتيرلار آتشه

þ يوخاري دا آد آپارديغيم ماهني نين متني ني، اينترنت ده آراييرديم كي بو وبلاگ دا بير تيكه سيني تاپديم(http://aynev.blogfa.com)؛ البته بير باشقا يازي گؤردوم سرعئينلي قيزلارين تحصيل ايچين چتينليكلره گؤره(دشواری‌های تحصيل و اشتغال زنان در يك شهر كوچك/ داستان دختران سرعين ).

البته آرخايينليقلا دئمك اولماز اوندا كي سؤزلر گئرچكديرلر؛ ياني، دوغرودور كي سرعئينين ايلك يوكسك تحصيلاتلي قادينينين 32 ياشي واردير مي؟!

اولابيلر، سرعئينلي لر(كيشي يا قادين، فرق ائتمز!)، آذربايجانين باشقا محروم كندلي لري كيمي بؤيوك يئرلر و شهرلره كؤچوب و اورا دا كي بيلي يوردلار دا تحصيل ائديب و البته كي اؤز آنايوردلارينا قاييتماميشلار! دليلين ده هامي، ياخشي بيلير.

آنجاق بير قادين ايسته سه سرعئين ده قالا و همده بيلي يوردا گئده نه ايش گؤرمه لي دير؟!

يانيت(جاواب) بللي دير يولداشلار!

او قيز مجبور دور اردبيله گئت-گل ائتسين و چون مطالعه يه يئترلي زاماني اولماياجاقدير و « كونكور تست»ـي وورماق ايچين بئله ده حاضيرليغي اولماياجاقدير و گرك جيبدن پول خرج ائله ييب، گئتسين «دانشگاه آزاد»ـا!!

ايندي قالدي بو كي هانسي ريشته يه گئتسين؟! موهنديسليك، كؤك بيليملر(علوم پايه)، طبابت، علوم انساني و يا دا ادبيات؟!

من بئله دوشونورم او قيز ائله بيليب كي فارس ادبياتي باشقا ريشته لردن آسان دير و سون دا، بو ريشته ده درس اوخويوب و فارغ التحصيل اولوب.

ياخشي! بو ده بيزيم اؤلكه ده كي كندلرينين يوكسك تحصيلاتينين ماجراسي! دؤولت گئدير، چئشيدلي ائللرين وئرگيلري ايله، باشقا اؤلكه لرده، فارسجا ديل و ادبيات كورسوسو وورور  و سرعئينلي تورك قيز گرك گئتسين و جيبيندن خرج ائله سين و اؤز ديلينين يازيب-اوخوماسيني باشارماياراق، آزاد دانشگاهين فارسجا ادبيات ليسانسيني آلسين.

آيدين ك

 1385/آذر /19 ، 2006 December.10

Danulduzu Musiqi Qrupu

Ola bilər bir zaman Öyrəncisəl DanUlduzu dərgsində çalışırmışam və buna görə o dərginin adaşı olan, musiqi qrupuna, ki Azər ayının ilk günlərində isfahan Teknoloji biliyurdunda kansert icra etdi, artıq maraq göstərirəm!

Ancaq bu təkcə bir xoş olay(ittifaq) də ola bilər! Aşağı da ki bildirişi oxuyun, olursa Danulduzunun kansertinə də gedin! Hər halda kı görəvimiz, incə sənət xadimləri dəstəkləmək dir: 

Kültürəl - Hünəri Bildiriş

( اطلاعيه فرهنگي-هنري )

Azerbaycanın hünər səmasındakı DanUlduzu musiqi qrupu, bir daha parlaycaqdır...

Ardı >>> ( pdf file , doc file )

Aydın K

November 30, 2006

Səttarxan şəhadətinin 92ci İl dönümünün törəni bu il lap əzəmətli durum da geçirildi və bir planlaşmamış göstəri, Tehran metrosunun İçərisinə qədər davam tapdi...

Ardı >>>

Aydın K

November 17, 2006

صفرخان لا تبريزلي اوشاقلار

ائله بيل دونن ايدي! بو يازيني دؤرد ايل بوندان اؤنجه(صفرخان بو دونيادان كؤچن زامان) فارسجا يازديم، و اينترنت سايتلاريندا اوخوجولار طرفيندن ياخشي ماراقلاندي! بو ايل صفرخان ايل دؤنومونده همن يازيني توركجه يازيرام و بير آز دا اونا باشقا سؤزلر آرتيريرام!

باخيشلارينيزي گؤزله ييرم سايقيلي ديلداشلاريم...

آردي >>>

صفرخان لا تبريزلي اوشاقلار(html file)

صفرخان لا تبريزلي اوشاقلار(pdf file)

آيدين ك

گوز اورتاسي(آبان) 1385

‍Nov.2006

بو اؤدول غرب ايله سس بير اولماغين سونوجو دور مو؟

þ شيرين عيبادي ني كي تانيرسنيز؛ نئچه ايل بوندان اؤنجه، «باريش نوبئل» اؤدولونو آلدي. او اؤزونو دوستاق دا كي اصلاح طلبلره گؤره اؤلدوروردو! مدني حاقلار، دانيشماق اؤزگورلوگو(آزادي بيان) و باشقا حاقلاردان دا مودافعه ائديردي! بيلميرم شيرين عيبادي تورك ايدي يا يوخ، آنجاق آذربايجان دا اوز وئرميش بو ايل كي اتفاقلارا گؤره، گؤردونوز كي، نه قدر ايش گؤردو! اللري آغريماسين.

آردي >>>

• بايرامينيز قوتلو اولسون

• ياشاسين « كويو »

• ياشاسين « همشهري »

• شرف

• بير ده بو ايشلردن گؤرمه يين !

• هانسي کنديميز؟

• ستارخانين آنيلاما مراسيمي

• رحمت هوماسي

• سالتحصيلي جديد و کوچولوها

• سسلرين لاپ خوشو

• ...